Ein dag i Nynorskens hus
I januar og februar 2020 skal Nynorskens hus få besøk av 900 Oslo-elevar som kjem innom huset to gonger kvar. Fyrst for å få ei oppdagings- og danningsreise i språk og kultur i Nynorskens hus og for å sjå Gullfebla (lenkje til DKS) av Den mangfaldige scenen.
GULLFEBLA
Framsyninga «Gullfebla» er ei skrøne, om eventyrsamlarar og gamle kjerringer, om trua på at ein kan gjere noko stort med livet sitt.
I Gullfebla møter vi to gamle karar som samlar på eventyr. Dei reiser land og strand rundt for å høyre folk fortelje historier, for så å skrive dei ned i ei bok. Boka er etter kvart blitt stappfull av eventyr og forteljingar, og dei to karane er slitne av å vandre land og strand rundt, (dei er tross alt minst åtti år) og tenkjer at dei no snart har samla nok, at dei er klare for å gi ut boka. Det skal bli ei fantastisk eventyrbok, stappfull av eventyr, ein nasjonalskatt rett og slett! Dei to karane heiter forresten Asbjørnsen og Moe.
Framsyninga er ein komedie som tek utgangspunkt i fire folkeeventyr. Men i botnen tar ho tak i spørsmål knytt til kulturhistorie og identitet: Har det vi tenkjer på som typisk norsk, eigentleg noko med «det norske» å gjere? Eller lagar vi stadig nye versjonar av kva som er typisk norsk, basert på korleis vi ønskjer at «det norske» eigentleg skal vere?
Gullfebla bruker mange ulike teatrale uttrykk, er på nynorsk og det er berre barn som står på scenen.
Medverkande Regi/koreografi: Erlend Samnøen Regiassistent: Jon Werede Hope Instruktør: Morten Espeland Scenografi: Dagny Drage Kleiva Lysdesign: Jøran Normann Kostyme: Line Jeanette Antonsen Mask: Live Becker Knudsen
Skodespelarar:
Adanne Lin-Ji Ezimoha Sætereie
Alba Regine Arnesen Alina Holtan
Bergljot Heyerdahl Skagestad
Christiane Torp
Olivia Ringdal
Hedda Marie Bøe Svensholt Helena Martens
Jasmin Mellembakken Johannes Sandvik Jonathan Antonio Thrane Storsve Melina Ismini Karantonis
Den mangfaldige scenen er eit barne- og ungdomsteater for unge mellom 6 og 28 år. Teateret tar utgangspunkt i den store og varierte kulturelle rikdommen som unge har med seg, og gi kvar enkelt høve til å ta i bruk og utvikle sine skapande evner i samarbeid med kunstnarar.
Erlend Samnøen er utdanna dansar ved Statens Balletthøgskole. Han er frilans regissør, koreograf og utøvar og har skrive og regissert ei rekkje framsyningar. Erlend har regissert og koreografert Gullfebla.
Morten Espeland er utdanna skodespelar ved Statens teaterhøgskole. Han er frilans regissør og utøvar. Han debuterte på Den Nationale Scene i Bergen og har arbeidd fleire år ved Det Norske Teatret. Morten er instruktør for Gullfebla.
Dagny Drage Kleiva er utdanna scenograf og kostymedesignar ved Central St. Martins College of Art and Design i London. Dagny er scenograf for Gullfebla.
